136

شمالی کوریا کا امریکا پر میزائل داغنے کا منصوبہ

شمالی کوریا نے کہا ہے کہ ڈونلڈ ٹرمپ کی دھمکیوں کے بعد امریکا کے علاقے گام پر میزائل داغنے کے منصوبے پر غور شروع کردیا گیا ہے۔

شمالی کورین فوج کے ترجمان نے امریکی صدر ڈونلڈ ٹرمپ کی جانب سے دھمکیوں کے بعد فوری طور پر ایک بیان جاری کیا جس میں کہا گیا ہے کہ ملکی سربراہ کم جانگ ان کی جانب سے ہدایات ملنے کے بعد امریکی علاقے گام کو نشانہ بنانے کے منصوبے پر عملدرآمد کردیا جائے گا۔

فوجی ترجمان کے بیان میں کہا گیا ہے کہ اگر امریکا کی جانب سے کسی بھی جارحیت کا مظاہرہ کیا گیا تو اس کا مؤثر انداز میں جواب دیا جائے گا۔

خیال رہے کہ شمالی کوریا کی جانب سے امریکا کو جوہری میزائل کا نشانہ بنائے جانے سے متعلق رپورٹ منظر عام پر آنے کے بعد امریکی صدر ڈونلڈ ٹرمپ نے دھمکی دی تھی کہ شمالی کوریا کو ایسے غضب کا نشانہ بنائیں گے کہ دنیا نے ایسا کبھی نہیں دیکھا ہوگا۔

اپنا تبصرہ بھیجیں