76

انتخابی مہم کے دوران باغیوں کا بی جے پی کے قافلے پر حملہ،

بھارتی ریاست چھتیس گڑھ میں نکسل وادیوں نے حملہ کرکے بی جے پی کے رکن اسمبلی بھیما منداوی کو 5سکیورٹی اہلکاروں سمیت ہلاک کردیا۔

بھارتی میڈیا کے مطابق ریاست چھتیس گڑھ کے علاقے دانتی واڑا سے منتخب رکن اسمبلی بھیما رام منداوی انتخابی مہم کے دوران جارہے تھے کہ ان کے قافلے کو نکسل باغیوں نے آئی ای ڈی سے نشانہ بنایا ۔ حملہ ناکولنار ضلع میں ہوا جس میں بی جے پی کے رکن اسمبلی سمیت 6سکیورٹی اہلکار ہلاک ہوگئے۔ دھماکے کے باعث بھیما منداوی کی گاڑی مکمل طور پر تباہ ہوگئی۔ ابتدائی معلومات کے مطابق دھماکے میںچھتیس گڑھ پولیس کے 5 اہلکار زخمی بھی ہوئے ہیں۔

خیال رہے کہ چھتیس گڑھ کے منداوی ریجن میں لوک سبھا کی 12 نشستیں ہیں اور بھیما رام منداوی اس علاقے سے بی جے پی کے منتخب ہونے والے اکلوتے رکن اسمبلی تھے جبکہ باقی تمام 11 ارکان اسمبلی کا تعلق کانگریس سے ہے۔

اپنا تبصرہ بھیجیں