94

لندن؛ لیگی کارکن آپس میں لڑ پڑے

لندن ،نوازشریف کی رہائش گاہ کے باہر لیگی کارکن آپس میں لڑ پڑے، صحافیوں سے بدتمیزی
نوازشریف کارکنوں سے گفتگو کیلئے رہائش گاہ سے باہر آئے تو دھکم پیل کے باعث پھر اندرچلے گئے

لندن(آن لائن)لندن میں سابق وزیراعظم نوازشریف کی رہائشگاہ کے باہر لیگی کارکن آپس میں ہی لڑ پڑے اور صحافیوں سے بھی بدتمیزی کی۔

میڈیا رپورٹس کے مطابق سابق وزیراعظم نوازشریف اپنی اہلیہ کی عیادت کے لئے لندن پہنچ گئے ہیں اور جب نواز شریف اپنی رہائشگاہ ایون فیلڈ ہاس پہنچے تو اس موقع پر مسلم لیگ(ن)لندن کے سینکڑوں کارکنان نواز شریف کے استقبال کے لئے موجود تھے مگر جیسے ہی نوازشریف وہاں پہنچے تو کارکنان آپس میں لڑ پڑے جس سے شدید بدنظمی دیکھنے میں آئی۔

اس دوران نواز شریف صحافیوں سے بات کرنے کے لئے اپنی رہائشگاہ سے باہر بھی نکلے تاہم انہیں بھی دھکم پیل کا سامنا کرنا پڑا جس کے باعث وہ واپس اپنی رہائشگاہ کے اندر چلے گئے۔مسلم لیگ (ن)کے کارکنان کی جانب سے صحافیوں کے ساتھ بھی بدتمیزی کی گئی جب کہ ماحول بہت زیادہ گشیدہ ہونے پر برطانوی پولیس بھی موقع پر پہنچی اور کچھ افراد کو گرفتار بھی کر لیا تاہم میٹروپولیٹن پولیس ہجوم کو کنٹرول میں ناکام نظر آئی۔

اپنا تبصرہ بھیجیں