117

ڈپٹی سپیکر پنجاب اسمبلی کا تنخواہوں اور مراعات کے اضافے پر بیان اگیا

وزیراعظم عمران خان نے پنجاب اسمبلی میں اراکین کی تنخواہوں اور مراعات کے اضافے کے بل کی منظوری پر مایوسی کا اظہار کیا تاہم اب پنجاب اسمبلی کے ڈپٹی سپیکر تنخواہیں بڑھانے کے اقدام کو بہترین قراردیا ہے اور اس پر ڈٹ گئے ہیں ۔

نجی ٹی وی نیوز کے مطابق ڈپٹی سپیکر پنجاب اسمبلی دوست مزاری نے میڈیا سے مختصر گفتگو کرتے ہوئے کہا کہ مہنگائی بہت زیادہ ہے ، حلقے میں سے آنے والے لوگوں اور ملازمین کا خرچہ بھی اٹھانا ہوتا ہے ، اراکین پنجاب اسمبلی کے مطالبے پر بل پاس کیا گیا ہے ۔

ڈپٹی سپیکر کا کہناتھا کہ کیا جو پہلے پیکج تھا اس میں لاہور میں گزار ہو سکتا ہے ، اس وقت ملکی حالات کو دیکھ لیں ، معیشت کی حالت ٹھیک نہیں ہے ، ڈالر کہاں پہنچ گیا ہے ، ان حالات میں ایک ممبر کی عزت دار طریقے سے تنخواہ بڑھ جائے تو وہ گزار کر سکتا ہے ۔

صحافی کی جانب سے وزیراعظم عمران خان کے تنخواہوں میں اضافے پر بیان پر رد عمل دینے کیلئے کہا گیا تو دوست مزاری نے کہا کہ میں نے عمران خان کا ٹویٹ نہیں دیکھا ہے جس پر صحافی نے کہا کہ وزیراعظم عمران خان نے اس پر مایوسی کا اظہار کیا جس پر ڈپٹی سپیکر نے جواب دیتے ہوئے کہا کہ یہ کوئی غلط اقدام نہیں ہے اور میں اسے غلط اقدام نہیں سمجھتا ۔

اپنا تبصرہ بھیجیں