58

شاہ محمودقریشی کی سیف اللہ نیازی کو چیف آرگنائزر مقرر ہونے پرمبارکباد

وزیرخارجہ شاہ محمودقریشی نے سیف اللہ نیازی کو تحریک انصاف کا چیف آرگنائزر مقرر ہونے پر مبارکباد دی اور کہا وزیراعظم سمیت پوری پارٹی کو سیف اللہ نیازی پر اعتماد ہے۔

تفصیلات کے مطابق وزیرخارجہ شاہ محمودقریشی نے سیف اللہ نیازی سے ملاقات کی اور انھیں تحریک انصاف کا چیف آرگنائزر مقرر ہونے پر مبارکباد دی۔

شاہ محمود قریشی نے سیف اللہ نیازی کیلئے نیک تمناؤں کا اظہار کرتے ہوئے کہا سیف اللہ نیازی ہمارے دیرینہ ساتھی ہیں اور باصلاحیت ہیں ، وزیراعظم سمیت پوری پارٹی کو ان پر اعتماد ہے۔

اس موقع پر سیف اللہ نیازی کا کہنا تھا ذمہ داریاں سونپنے پر چیئرمین اور پارٹی قیادت کا شکرگزار ہوں، پارٹی قیادت کے اعتماد پر پورا اترنے کی بھرپور کوشش کروں گا۔

اپنا تبصرہ بھیجیں