84

وفاقی پولیس کے افسران کے لئے نئی مصیبت

اسلام آباد: موٹے پیٹ والے وفاقی پولیس کے تھانیداروں کو ایک ماہ میں اپنی کمر اور وزن کم کرنے کی ہدایت کردی گئی ہے، آئی جی اسلام آباد نے وزیر داخلہ کی ہدایت پر تمام ایس ایچ اوز کو متنبہ کردیا۔

تفصیلات کے مطابق وزیر داخلہ احسن اقبال نے اسلام آباد کے تھانیداروں کی توندوں کا سختی سے نوٹس لے لیا، انہوں نے آئی جی اسلام آباد کو کو موٹے پیٹ والے ایس ایچ اوز کےخلاف کارروائی کی ہدایت کردی۔

آئی جی اسلام آباد نے ہدایات پر عمل کرتے ہوئے زیادہ کمر اور وزن والے شہر اقتدار کے تمام ایس ایچ اوز کو متنبہ کیا ہے کہ وہ ایک ماہ میں اپنی کمراور وزن کو کم کریں۔

ان کا کہنا ہے کہ زیادہ وزن سے ایس ایچ اوز اپنے فرائض چستی سے ادا نہیں کرسکتے، انہوں نے کہا کہ 38کمرنہ رکھنے والے تھانیداروں کیخلاف سخت محکمانہ کارروائی کی جائے گی۔

آئی جی کا مزید کہنا ہے کہ تھانوں میں کم ازکم گریجویٹ لیول کےحامل محرر تعینات کیے جائیں، پڑھےلکھے محرروں کی تعیناتی سے عوام کو مسائل بتانے میں آسانی ہوگی۔

ایس ایس پیز فوری گریجویٹ لیول کےحامل نئے محرر تعینات کریں، آئی جی اسلام آباد نے شہر کے تمام تھانوں سے بدتمیز اور بداخلاق محرر ہٹانے کا حکم بھی دیا ہے۔

اپنا تبصرہ بھیجیں