Home / اہم خبریں / پیزا ہٹ اور میکڈونلڈ کے منیجرز کو گرفتار کرلیا گیا

پیزا ہٹ اور میکڈونلڈ کے منیجرز کو گرفتار کرلیا گیا

پشاور کی ضلعی انتظامیہ نے کاروائی کر تے ہوئے مختلف فاسٹ فوڈز کے منیجرز کو گرانفروشی اور صفائی ناقص صورتحال پر گرفتار کر لیا۔

تفصیلات کے مطابق ڈپٹی کمشنر پشاور اسلام زیب کی ہدایت پر ایڈیشنل اسسٹنٹ کمشنر اصلاح الدین نے یونیورسٹی روڈ اورشامی روڈ پر مختلف فاسٹ فوڈز کی چیکنگ کی۔

کاروائی کے دوران پیزا ہٹ میں پانی کی چھوٹی بوتل 80 روپے میں فروخت ہو رہی تھی جبکہ دیگر قیمتیں بھی بہت زیادہ تھیں ۔ میکڈونلڈ شامی روڈ میں پانی کی بوتل 50 روپے میں فروخت ہو رہی تھی جبکہ دیگر قیمتیں بھی بہت زیادہ تھیں۔

اس کے علاوہ پیری پیری فاسٹ فوڈز اور پی ٹو پی ون فاسٹ فوڈز کے کچن میں صفائی کی صوتحال بہت خراب تھی جس پر ایڈیشنل اسسٹنٹ کمشنر نے برہمی کا اظہار کر تے ہوئے چاروں منیجرز کو گرفتار کر لیا۔

ضلعی انتظامیہ کے مطابق گرفتار افراد کے خلاف قانون کے مطابق سخت کاروائی عمل میں لائی جائے گی۔ ڈپٹی کمشنر پشاور نے تمام ریسٹورنٹس اور فاسٹ فوڈز مالکان کو خبردار کیا ہے کہ وہ حفظان صحت کے اصولوں نے مطابق اپنی حالت درست کریں اور گرانفروشی نہ کریں بصورت دیگر سخت کاروائی عمل میں لائی جائے گی۔

Check Also

انتخابات کے بعد پاکستان کے پانچ بڑے مسائل

پاکستان میں انتخابات کے بعد نئی حکومت کو کئی طرح کے مسائل کا سامنا کرنا …

Leave a Reply

Your email address will not be published. Required fields are marked *