138

ڈیوڈ ملر نے تیز ترین سنچری کا نیا عالمی ریکارڈ بنا دیا

جنوبی افریقی بلے باز ڈیوڈ ملر نے بنگلہ دیش کے خلاف دوسرے ٹی20 میچ میں جارحانہ بیٹنگ کرتے ہوئے تیز ترین سنچری کا نیا عالمی ریکارڈ بنا دیا۔

پوشف اسٹروم میں کھیلے جا رہے سیریز کے دوسرے ٹی20 میچ میں ڈیوڈ ملر بیٹنگ پر آئے تو جنوبی افریقہ نے 9.5 اوورز میں تین وکٹ کے نقصان پر 78 رنز بنائے تھے۔

ملر نے اننگز کا آغاز نسبتاً محتاط انداز میں کیا اور 10 گیندوں پر 12 رنز بنائے لیکن اس کے بعد جنوبی افریقی بلے باز نے بنگلہ دیشی باؤلرز کی خبر لینا شروع کی۔

ملر نے شاندار بیٹنگ کرتے ہوئے اننگز کے آخری اوور میں 35 گیندوں پر سنچری مکمل کر کے نیا عالمی ریکارڈ قائم کرتے ہوئے ہم وطن رچرڈ لیوی کو اس ریکارڈ سے محروم کردیا۔

رچرڈ لیوی نے 2012 میں ہملٹن کے مقام پر نیوزی لینڈ کے خلاف 45 گیندوں پر سنچری مکمل کر کے عالمی ریکارڈ قائم کیا تھا اور پانچ سال تک یہ اعزاز ان کے نام رہا جو آج ڈیوڈ ملر ن توڑ دیا۔

ڈیوڈ ملر نے تاریخی اننگز میں 36 گیندوں پر نو چھکوں اور سات چوکوں کی مدد سے ناقابل شکست 101 رنز کی اننگز کھیلی۔

اپنا تبصرہ بھیجیں