112

عائشہ گلالئی نااہلی کیس کا فیصلہ محفوظ

الیکشن کمیشن نے تحریک انصاف کی منحرف رہنما عائشہ گلالئی کو ڈی سیٹ کرنے سے متعلق درخواست پر فریقین کے دلائل

مکمل ہونے کے بعد فیصلہ محفوظ کر لیا گیا

تفصیلات کے مطابق الیکشن کمیشن میں پی ٹی آئی کی منحرف رہنما عائشہ گلالئی کو ڈی سیٹ کرنے سے متعلق کیس کی

سماعت آج مکمل ہوگی، سماعت چیف الیکشن کمشنر جسٹس (ر) سردار محمد رضا نے کی۔

بیرسٹر مسرور نے دلائل دیتے ہوئے کہا کہ عائشہ گلالئی نے جذبات میں آ کر استعفیٰ دینے کی بات کی۔ اگرزبانی کہنے سے

استعفیٰ قبول ہوتا تو تحریک انصاف کے ارکان اسمبلی بھی پارلیمنٹ کاحصہ نہ ہوتے

عمران خان کے وکیل نے دلائل دیتے ہوئے کہا کہ عائشہ گلالئی کسی حلقے سے جیت کر قومی اسمبلی کی رکن منتخب نہیں

ہوئیں بلکہ قومی اسمبلی کی مخصوص نشست پر نامزد کی گئیں۔

سماعت کے دوران رکن الیکشن کمیشن نے عمران خان کے وکیل سے استفسار کیا کہ کیا ووٹ نہ دینے والے دیگر پارٹی ارکان

کو بھی نوٹس دیے گئے جس پر وکیل کا کہنا تھا کہ باقی ارکان نے ووٹ نہیں دیے تو پارٹی چھوڑنے کا اعلان بھی نہیں کیا۔

چیف الیکشن کمشنر نے سوال کیا کہ آپ کی جماعت سے مستعفی ہونے کا طریقہ کار کیا ہے جس پر وکیل نے بتایا کہ پی ٹی آئی

کے آئین میں کسی رکن کے لئے استعفیٰ دینے کا طریقہ کار نہیں ہے۔

الیکشن کمیشن نے دلائل مکمل ہونے کے بعد فیصلہ محفوظ کر لیا جو چوبیس اکتوبر کو سنایا جائے گا۔

اپنا تبصرہ بھیجیں