90

دوسرے ون ڈے میں شاہینوں نے لنکا ڈھا دی

پاکستان نے سری لنکا کو دوسرے ون ڈے میں شکست دے کر پانچ میچوں کی سیریز میں دو صفر کی برتری حاصل کرلی ہے۔ پاکستان نے 32 رنز سے کامیابی حاصل کی ہے۔

ابوظہبی کے شیخ زید کرکٹ اسٹیڈیم میں پاکستانی شاہینوں نے ایک بار پھر اپنی برتری ثابت کی ہے۔ بڑا ٹارگٹ نہ ہونے کے باوجود باؤلرز نے محنت کی اور ایک موقع پر سری لنکا کے 7 بیٹسمین 93 رنز تک پہنچتے پہنچتے پویلین واپس پہنچ چکے تھے۔

آٹھویں وکٹ پر کپتان اپل تھارانگا نے وینڈر سے کے ساتھ مل کر 76 رنز کی شراکت قائم کی۔ رومان رئیس نے وینڈر کو 22 کے انفرادی اسکور پرآؤٹ کیا تو سری لنکن ٹیم کی ہمت جواب دے گئی۔ سری لنکن کپتان اپل تھارانگا نے سنچری اسکور کی۔

اس سے قبل پاکستان نے اپنی پہلی بیٹنگ میں 219 رنز اسکور کیے۔ بابر اعظم نے سیریز میں مسلسل دوسری سنچری اسکور کرتے ہوئے 101 رنز بنائے۔ شاداب خان 52 رنز بناکر ناٹ آؤٹ رہے۔

اپنا تبصرہ بھیجیں