38

حکومت کا آرٹیکل 62 اور 63 میں ترمیم کا اعلان

اسلام آباد: حکومت نے آئین کے آرٹیکل 62 اور 63 میں ترمیم کا اعلان کردیا ہے۔

قومی اسمبلی میں انتخابی اصلاحات بل کی منظوری کے دوران وفاقی وزیر قانون زاہد حامد نے آئین کے آرٹیکل 62 اور 63 میں ترمیم کا اعلان کیا۔

زاہد حامد نے کہا کہ آئین کے آرٹیکل 62 میں نااہلی کی مدت کا کوئی ذکر نہیں، نااہلی کی مدت 5 سال سے بھی کم ہونی چاہیے۔

انہوں نے کہا کہ حکومت آئین کے آرٹیکل 62 اور 63 میں اس حوالے سے ترمیم کرے گی، ہم یہ آئینی ترمیم کمیٹی میں لے کر جائیں گے جہاں تمام جماعتوں سے مشاورت کے بعد ہی یہ ترمیم کی جائے گی۔

واضح رہےکہ پاناما کیس میں سابق وزیراعظم میاں نوازشریف کو سپریم کورٹ نے آئین کے آرٹیکل 62 اور 63 کے تحت ہی نااہل قرار دیا تھا۔

اپنا تبصرہ بھیجیں